الأحد، 18 ديسمبر 2011

أمآنـه يالشتآآْء / ...

..


أمـانه يالشتاء ..دامك قريب ولك بصدري باب
رفض كل الفصول ولا رضى غير انت مفتاحه
أمــانه دامني ماني على خبرك دفا واحباب
تريث ..لين أشب اللي بقى من كلمة الراحه


مدام ان الجفـا ليله طويل ..وليلك انت رحاب
لقى وجه السهر فيها..زراق الدمع مصباحه


دخيلك والظما..يجتاحني ..لا لاحوا الغيّـاب
وأخاف اسقيك من حزن الظما وتموت بجراح




دخيلك ..هدني للريـح ...لامن ضاقت الاسباب
عساي القى لقــلبي مع مهب الريح ذباحه


تعب ..صوت الجروح اللي ملى هذا المكان عتاب
تعب كف القصيد ..ولابقى من هم ماباحه


وانا ياصاحبي ..من شفتني ..في دمعتي ..كـذاب
دريت انك بعيد أبعد من الخفاق لأ فراحه




وأمانه يالشتاء ..دامك على حزني تهج ابواب
تريث لين أعيش اللي بقى من كلمة الراحه.!

هناك 4 تعليقات:

  1. مساء الغاردينيا لودي
    تغيبين وتعودين محملة بـ الجمال
    ذائقة راقية بـ حرف دافئ "
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  2. مساء العطر والشتاء لودي

    وصح لسان وسلمت يد من كتبها

    كلمات مؤثرة وابيات قمة بالروعة

    رغم رياح الحزن فيها

    دمتم بكل سعادة

    ردحذف
  3. مسآئك رقـه ريمآس /

    اسعدتني رؤيتك هنآ و سعدت بجمآل كلاماتك ..

    دمتي لي أختي ..

    ردحذف
  4. مسآئك سكر عزيزي ريآن :

    شكراً لمرورك العذب


    دمت لي عزيز

    ردحذف